Бишкектеги кафе-ресторандар 15 күнгө жабылат

Бишкек шаарындагы кафе-ресторандар 15-20 күнгө жабылат. Бул тууралуу Бишкек шаарынын мэринин милдетин аткаруучу Балбак Түлөбаев фейсбуктагы  баракчасына жазды.
 
«Коронавирус кооптуу абалга келе атат. Жалдырасак да, сурансак да болбой атасыңар. Бүт шаарды коркунучка алып келдиңер. Шаарды кайра карантинге жаба албайбыз. Эл кыйналат. Такыр укпаган эме экенсиңер. Тойкана ээлери бул сөз силерге. Элдин ден соолугу менен ойноп атасыңар. 15 күнгө жабабыз. Жакында чечим чыгаралы деп ойлоп атабыз. Болдугула да эми. Сураныч. Өтүнүч. Элдер бизден талап коюп жатат», – деп жазды ал.