Ак үйдү оӊдоого 450 млн сом кетпейт

5-октябрдагы митинг учурунда талкаланган Ак үйдү оӊдоого 450 млн. сом кетпейт. Мындай маалымат Садыр Жапаровдун Фейсбук баракчасына жарыяланды. 
 
Анда: «Ак үйдү оңдоо иштерине 450 миллион сом кетет экен деген маалымат туура эмес. Бул парламенттик шайлоого жумшалган каражат. Аны Ак үйдүн чыгымы экен деп адашып айтып жатышат.   Аталган имаратты оңдоого көп каражат кетпейт. Кыдырып баарын көрүп чыккам, 10 млн. сомго жетпеген каражат кетет. Тапшырмаларды бердим. Жакын арада оңдоо иштери бүтөт»,-деп жазылат.