Түлеевди жактоочулар менен "кетсин" дегендердин ортосунда чыр чыкты

Бүгүн, 21-октябрда мэрдин милдетин аткаруучу Нариман Түлеев иш бөлмөсүндө митингчилер менен жолугушуп жатканда, шаардык кеңештин бир катар депутаттары кирген. Алар мэр легитимсиз экенин, Түлеев иш бөлмөдөн чыгып кетиши керек экенин айтышты.

Кыйкырык менен коштолгон чырга сырттан кирген белгисиз адамдар кошулду. Алар Түлеевдин тарапташтары дешүүдө күбөлөр.

Эске салсак, 20-октябрда Нариман Түлеев Бишкек шаарынын вице-мэри болуп дайындалган. Ал эми бүгүн буга нааразы болгон тараптар шаардык мэриянын алдына митингге чыгышты.