Эртең, 21-октябрда Бишкек шаарынын мэриясынын алдында Нариман Түлеевге каршы митинг өтөт. Бул тууралуу “Мекенчил” партиясынан Жогорку Кеңештин депутаттыгына талапкер болгон Төрөхан Жунусбеков Фейсбук баракчасына жазды.
«Урматтуу мекендештер, эски чал, соттолгон коррупционер Нариман Түлеевди кетирүү митингине чакырабыз. Саат 10:00дө мэриянын астына келиңиздер чыныгы патриот мекенчилдер”, – деп жазды ал.
Нариман Түлеев бүгүн, 20-октябрда биринчи вице-мэр болуп дайындалган. Бишкек шаарынын мэри Азиз Суракматов кызматтан кеткенине байланыштуу мэрдин милдетин аткаруу Нариман Түлеевге тапшырылган.
