"Ала-Арча" резиденциясынын тосмосун сүзүп алган аскер техникасынын тормозу иштебей калган

Мамлекеттик "Ала-Арча" резиденциясынын тосмосун сүзүп алган аскер техникасынын тормоздук системасы иштебей калгандыгы айтылды. Бул тууралуу Генералдык штабдан билдиришти.

Окуя 10-октябрь күнү мамлекеттик резиденциянын батыш тарабында болгон. Кадрдан аскер техникасы резиденциянын аймагын курчаган тосмонун бир четин сүзүп кеткенин көрүүгө болот.

Генштаб учурда кызматтык иликтөө жүрүп жатканын, анын жыйынтыгына жараша жооптуу тараптар аныкталарын белгиледи.