Коляскадагы баласын эки ирет жыгып алган мас абалдагы эне кызуу талкуу жаратууда

 Социалдык тармактарда Орусиянын Тула облусунун Ефремов шаарындагы скейт-паркта 7 айлык коляскадагы баласын 2 ирет жыгып эненин жоругу кызуу талкууну жаратууда. Бул тууралуу жергиликтүү маалымат каражаттары жазып чыгышты.
 
Маалыматка ылайык, мас абалдагы эненин коляскадагы баласы менен кошо жыгылып жаткан учурун видеого мектеп окуучулары тартып алган. Алар баланын ден соолугуна кабатырланышып, милиция чакырышкан. 
 
Коляскадан жыгылган наристе райондук ооруканага жаткырылган. Ал жеӊил жаракат алган. 
 
Учурда бул факты боюнча териштирүү иштери жүрүүдө.