Бишкекте коронавируска каршы санитардык көзөмөл жүрүүдө

Мамлекеттик санитардык-эпидемиологиялык көзөмөлдөө борборуна  Бишкек шаарындагы  коомдук транспортторду, эл көп чогулган соода борборлорун, мекемелерди сасык тумоо, курч респиратордук вирустук инфекциялар (КРВИ) жана дүйнө элинин жүрөгүнүн үшүн алып жаткан коронавирустун алдын алуу максатында санитардык-эпидемологиялык иш-чараларды күчөтүү тапшырмасы берилген. Аталган мекеме ишти коомдук транспорттордон баштады. 

Бишкекте жалпылап айтканда күн сайын 1800гө жакын айдоочу калкты тейлейт. Аларды толук кандуу текшериш үчүн  29 наркологиялык пунктар иштеп жатат. Айдоочу жолго чыгаар алдында анын дене табы, унаасындагы медициналык баштыгы жана унаанын санитардык-эпидемиологиялык абалы дыкат текшерилет. Ошондой эле шаардагы айрым базар, мончолор короновируска каршы дезинфекцияланды.