Ак-Буура суусуна Porter менен түшүп кеткен 1 киши жана 4 жашар бала изделүүдө

Кечээ, 14-сентябрда Ак-Терек — Папан — Кожокелең унаа жолунун 40-чакырымындагы Күндү-Дөбө айылында  ы Ак-Буура дарыясына Hyundai Porter унаасы түшүп кетип, ичиндеги бир киши табылып, дагы экөө изделип жатат. Бул тууралуу ӨКМдин маалымат кызматы кабарлады.

Маалыматка караганда, жүк ташуучу унаанын айдоочусу рулду башкара албай Ак-Буура дарыясына түшүп кеткен. Унаадагы үч адамдын ичинен бирөө аман калып, Ош облустук ооруканасына жеткирилген. Ал эми эки кишини куткаруучулар суудан издеп жатат. Анын бири төрт жашар бала экендиги айтылды.