Суук эрте түшчүдөй, бүгүн Ысык-Көл менен Ошто кар түшүшү күтүлөт

Бүгүн, 7-сентябрда Ысык-Көл облусунун кээ бир райондорунда, Ош облусунун тоолуу аймактарында кар жаашы мүмкүн. Бул тууралуу ӨКМден кабарлашты.

Маалыматка караганда, Ош облусунун дыйканчылык аймактарында жана Чүй, Талас, Жалал-Абад, Баткен, Нарын облустарында жаан-чачын болбойт. Батыштан соккон шамалдын ылдамдыгы секундасына 4-9 метрге, Ысык-Көл, Нарын облустарынын кээ бир райондорунда 15-20 метрге чейин жетиши ыктымал.