Даниэл Ажиев психикалык диспансерге дарыланууга жиберилди

Улут аралык кастыкты козутууга айыпталып жаткан Даниэл Ажиев Биринчи май райондук сотунун чечими менен Жаӊы-Жер айылындагы психикалык диспансерге дарыланууга жиберилди. Бул тууралуу Ажиевдин жакындары жергиликтүү маалымат каражаттарына билдирди. 
 
Жакындарынын билдиргенине караганда, укук коргоо органдары Ажиевдин соттук-психиатриялык экспертизадан өткөрүүнү талап кылган. Экспертиза Ажиевди дарыланууга муктаж деген кортунду чыгарган.  
 
Корутунду чыккандан кийин кылмыш иши токтотулуп, Ажиевди мажбурлап дарылоого жөнөтүү үчүн милиция материалдарды сотко өткөрүп берди. Сот аны Жаңы-Жер айылындагы психиатриялык клиникага жөнөткөн.