К. Бакиев: «Александр Лукашенко менен аягына чейин бирге болом»

Буга чейин айрым маалым каражаттарында жазылган "КР мурдагы президенти Курманбек Бакиев Белоруссияны таштап чыгып кетти" деген маалымат чындыкка дал келбейт.  Бул тууралуу 19-августта NazarNews маалымат агенттигине экс-президент Курманбек Бакиев билдирди.
 
«Мени үй-бүлөсүн алып Белоруссияны таштап чыгып кетти деген маалымат туура эмес. Азыр Минскте элемин. Александр Лукашенко мага, менин үй-бүлөмө оор учурда жардам берип, жакшы жашоого шарт түзүп берген. Эми ал кыйын кырдаалга туш болгондо аны таштап кете албайм. Ал менен аягына чейин бирге болом. Буга чейин да эч качан эч кимди саткан эмесмин, сатпайм дагы. Дагы кайталайм Лукашенко менен аягына чейин болом»-деп билдирген Бакиев.