Бишкекте жашыруун иштеп жаткан компьютердик клубдар жабылды

Бишкек шаарында жашырынып иштеп жаткан компьютердик клубдардын көбү жабылды. Бул тууралуу Бишкек шаардык мэриясынын Санитардык-эпидемиологиялык инспекциясынын адиси Азат Ракымов билдирди.

Анын айтымында, аталган клубдарга протокол түзүлүп, айып салынгандан кийин жабылды. Ошондой эле бильярд клубдары боюнча да даттануу түшүп жатат. Аянты чоң болгон футбол стадиондорун ачуу сунушу түшкөнүн айткан Ракымов: «Мэрия бул маселени карайт. Ошондой эле чарба субъектилеринен, активисттерден сунуштар түшүүдө. Анын баары каралат», - деди.