Атылган ак кунастар менен сүрөткө түшкөн жигиттерди милиция издеп баштады

Социалдык тармактарга белгисиз эки жаран ак кунастарды атканы боюнча сүрөттөр тарады. Биотүрдүүлүктү сактоо жана өзгөчө корголуучу жаратылыш аймактары департаментинин Жалал-Абад облусундагы өкүлчүлүгүнүн жетекчиси Туратбек Сатимбаев билдиргендей, сүрөттөгү жарандарды таап, аларга чара көрүү үчүн 3-август күнү Жалал-Абад облустук ички иштер башкармалыгына кайрылышкан.

Учурда атылган ак кунастар менен сүрөткө түшкөн жигиттер издөөгө алынды.

«Сүрөттөгү канаттуулар — ак кунас (белый аист), Кыргыз Республикасынын кызыл китебине катталган. Өкмөттүн 2013-жылдын 3-майындагы №224 токтомуна (өкмөттүн 2017-жылдын 18-августундагы №501 токтому) ылайык, атылган ар бир ак кунас үчүн айып пул 30 миң сомду түзөт. Канаттуулар Жалал-Абад облусунун аймагында атылышы мүмкүн», - деди Сатимбаев.

Сүрөттөрдөгү маалыматтарга караганда, 5 баш ак кунас атылган.

Булак- Турмуш кж.