Ош – Сары-Таш – Эркечтам автожолун суу каптады

Кечээ 28-июль күнү түштөн кийин Ош – Сары-Таш – Эркечтам автожолунун үч бөлүгүндө сел жүрүп, анын кесепетинен Сопу-Коргон—Терек жолу да жабылган.  Транспорт жана жол министрлигинин маалыматына караганда, жалпы көлөмү 1500 куб. метр болгон селдин бийиктиги айрым жерлерде 2 метрге чейин жеткен.


Министрликтин жумушчулары тазалоо иштерин жүргүзгөн соң, 29-июлга караган түндө жол ачылды. Азырынча селден жапа чеккендер тууралуу маалымат жок.