Балбак Көлгө барды, Акылбек Өкмөткө келди

Акылбек Осмоналиев Кыргыз Республикасынын Өкмөтүнүн Аппарат жетекчисинин биринчи орун басары болуп, Балбак Түлөбаев өкмөттүн Ысык-Көл облусундагы ыйгарым укуктуу өкүлү болуп дайындалганын министрлер кабинетинин маалымат кызматы билдирди.
 
Тиешелүү буйрукка премьер-министр Кубатбек Боронов кол койду.
 
Эске сала кетсек, буга чейин Акылбек Осмоналиев өкмөттүн Ысык-Көл облусундагы ыйгарым укуктуу өкүлү кызматын аркалап келген. Анын ордуна дайындалган Балбак Түлөбаев Бишкек шаардык мэриянын аппарат башчысы болчу.