Айбек Эрнис уулу кызматтан бошоду. Жарлыкка президент кол койду

Биринчи май райондук сотунун судьясы Айбек Эрнис уулу кызматынан бошоду. Жарлыкка өлкө башчысы Сооронбай Жээнбеков кол койду. Президент 21-июлда кызматтык мөөнөтү аяктаган судья Айбек Эрнис уулун кайра кызматка дайындоодон баш тарткан. 

Ошондой эле Бишкек шаарынын Октябрь райондук сотунун судьялары Кайсын Абакиров, Авчи Алиев жана Аманбек Сариевдин ыйгарым укуктары токтотулуп, жергиликтүү соттун судьясы кызматынан бошотулду.

Жарлыктар кол коюлган күндөн тартып күчүнө кирерин президенттин аппаратынын маалыматтык саясат бөлүмү 24-июлда кабарлады.