ИИМ: "Москвада кыздарды жазалайбыз деген эргулдар колго түштү"

Москвада кыздарды жазалайбыз деп чамынган жарандар кармалды. Кыргызстандын Ички иштер министрлигинин Россиядагы өкүлчүлүгү кыргызстандык кыздарды жазалоого чакырык таштаган эки адамды тапты. Бул тууралуу ИИМдин маалымат кызматынан билдиришти.

Эскерте кетели  социалдык тармактарда жаш балдардан турган топ Россияда иштеп жүргөн кыздар башка улуттагы жигиттер менен мамиледе болгонун билер замат аны жазалоого чакырып жаткан видео тараган эле. Кийин өкүлчүлүк  аталган факты боюнча иликтөөнү баштаган.

"Чакырык таштаган А.А. жана Б.Б. аттуу эки жаран кармалды. Алар күнөөсүн мойнуна алып, кечирим сурашты. Эми бул жарандардын кылган ишине Москва шаардык милициясы тарабынан укуктук баа берилет", — деп айтылат билдирүүдө.