ӨКМ: ""Гансиде" бейтаптарга даярдалган 400 орун бош турат"

Өзгөчө кырдаалдар министрлиги "Манас" эл аралык аэропортунун аймагындагы "Семетей" ("Ганси") госпитализация пунктунда бейтаптар үчүн 400дөн ашуун орун бош тургандыгын маалымдады. 

Маалыматка караганда, бейтаптарды дарылоо үчүн 600 орундук даярдалган болсо, анын ичинен 138инде бейтаптар дарыланып жатат, калган 462 орун бош.
 
"Буга чейин министрлик тарабынан оорукананын ичи бардык шарттары менен даярдалып, ар бир бөлмөгө душ, жуунуучу жай, ажаткана жана керебет орнотулган. Ал эми жандандыруу бөлүмү 50 орунга ылайыкталган. Учурда оор абалдагы 31 бейтап бар, калган 19унда киши жок", — деп айтылат маалыматта.