Бишкекте жатакананын биринчи кабатын стационар кылып ачууга жашоочулар каршы чыгышты

Бишкекте Абай көчөсү 14 дарегиндеги  жатакананын биринчи кабатын стационар кылып ачууга жашоочулар каршы чыгышты. Бул тууралуу Айнура Ешеналиева Facebook баракчасына жазып чыкты. 
 
«Жатакананын  кире беришинде балдар ойногон оюн аянтчасы жайгашкан, жогору жакта көп балалуу үй-бүлөлөр жашашат. Эч бир эреже сакталган жок: унаа токтотуучу жай жок, тосулган аянтча, аралык жок. Бул абал бардык эрежелерге карама-каршы келет, одоно эреже бузат жана көп сандаган адамдарга инфекция жуктуруу коркунучун туудурат. Дүкөндөргө, турак жайлардын кире беришине, таштанды челектерине барчу жол болочок оорукананын аймагында болот. Бул өтө кооптуу», - деди ал.
 
Анын айтымында, бир күн мурун жакынкы үйлөрдүн тургундары митинг өткөрүшкөн.