45 эле жашта эле...Хирург Турат Кулжабаев пневмониядан улам көз жумду

Бишкекте пневмониядан хирург адис Турат Кулжабаев каза болду. Жакындарынын айтымында, ал эки өпкөсүнөн пневмония болуп, 7-июлда борбор калаанын №1 ооруканасына жаткырылган. Абалы жакшырбай, 16-июлда бул медициналык жайдын реанимациясында көз жумду.

Кулжабаев 45 жашта болчу. Эмгек жолун Улуттук госпиталда баштап, акыркы он жылдан бери бул мекеменин проктология бөлүмүндө иштеп келе жаткан. Маркумдун артында жубайы жана үч уулу калды.