Коронавирустун бар экенине ишенбей ооруканадан качып кеткен бейтап каза болду

Баткенде ооруканадан качып кеткен 56 жаштагы бейтап каза болду. Бул тууралуу Баткен облустук ИИБнин пресс-кызматы билдирди. 
 
Маалыматка ылайык, маркум 2-июлда Бишкектен Баткенге барган. Анын анализинен вирус табылып, Баткен облустук бириккен ооруканасынын жугуштуу оорулар бөлүмүнө жаткырылган. Ал 6-июлдан 7-июлга караган түнү ооруканадан качып кеткен. 8-июлда каза болуп калган. 
 
Качып кеткенден кийин милиция кызматкерлери менен бирге дарыгерлер анын үйүнө барышкан. Ал коронавирус илдетинин бар экенине ишенбей турганын айтып, дарылануудан баш тарткан. 
 
Булак: 24 кж