Путин мигранттарга берген жеңилдиктерди узартты. Эми каттоосуз жүргөн мигранттар текшерилбейт

Орусиянын президенти Владимир Путин чет өлкөлүк жарандарга 15-сентябрга чейин мөөнөтү узартылбаган документтер менен жүрүүгө уруксат берди. Бул тууралуу орусиялык басылмалар жазышты.

Маалыматта айтылгандай, коронавирус пандемиясына байланыштуу миграциялык жеңилдиктер 15-марттан 15-июнга чейин берилген болчу.
Эми бул мөөнөт дагы үч айга узартылды.

Мунун негизинде Орусиянын аймагында мигранттарга миграциялык документтеринин мөөнөтүн узартуу талап кылынбайт, мөөнөтү узартылбаган документ менен жүргөн мигранттарга административдик чара колдонулбайт. Буга патент, виза, миграциялык каттоо жана ишке уруксат берчү документтер кирет.