Айбек Эрнис уулун кызматтан кетирүү боюнча кол топтоого 4500гө жакын адам кол койду

Бишкектин Биринчи май райондук сотунун судьясы Айбек Эрнис уулун 13 жаштагы кызды зордуктоого шек саналып жаткан адамды актаганы үчүн сот тармагында иштөөгө укугу жок деп эсептеген 4200дөн ашык адам анын иштен кетүүсүн талап кылган петицияга кол койду.

Акыйкатчы Токон Мамытов буга чейин Соттор кеңешинин алдындагы тартип комиссиясына судья Айбек Эрнис уулун, Бишкек шаардык сотунун коллегия мүчөлөрү Замир Алгожоевди, Керезбек Есекеевди жана Жамиля Сабитованы процессуалдык мыйзам бузууга жол бергени үчүн жоопко тартуу өтүнүчү менен кайрылган.