Жергиликтүү кеңештердин шайлоосуна 64 миллион сом сарпталат

Борбордук шайлоо комиссиясы жергиликтүү кеңештердин шайлоосуна 64 миллион сом сарпталарын билдирди.  
Каражат шайлоо учурунда БШКнын администрацияларынын аппараттарында иштеген мүчөлөрүнө, ишке тартылган адистер жана жарандарга жумшалат. Сумма өзүнө командировка, байланыш, жолдо жүрүү кызматтарын семинар жана кофе-брейктерди камтыйт.
Эске салсак, 5 шаардык жана 25 айылдык кеңештерди шайлоо 12-апрелде өтөт. 
Азыркы кезде, Ош, Токмок, Каракол шаараларында бир үйгө 50дөн 1300гө чейин шайлоочулар катталып, коомдо кызуу талкуу жүрүүдө. Ош шаарында 1300дөн ашык адам бир дарекке катталган иш боюнча териштирүү жүрүүдө.