Жергиликтүү кеңештерге шайлоо 12-апрелге белгиленди

Баткен, Жалал-Абад, Нарын, Ысык-Көл, Чүй, Ош облустарынын аймактарындагы 26 айылдык кеңешке жана Каракол, Балыкчы, Токмок, Ош, Майлы-Суу шаардык кеңештерине шайлоо 2020-жылдын 12-апрелине белгиленди. Тиешелүү жарлыкка президент Сооронбай Жээнбеков кол койду. 

Партиялар шайлоо өтчү аймактарда өздөрүнө добуш берчү жарандарды каттоого тургузуп көбөйтүп жатканы айтылууда. Бул жагдайды Мамлекеттик каттоо кызматы эч кандай мыйзам бузууга жатпастыгын маалымдап, бирок, Борбордук шайлоо комиссиясы менен биргеликте абалды талкуулап чыгаарын кабарлады.