№2 шаардык милиция бөлүмүнөн качып кеткен шектүү кармалды

Уурулукка шектелип, 3-июнда Ленин РИИБдин №2 шаардык милиция бөлүмүнөн качып кеткен адам кармалды. Бул тууралуу Чүй ОИИБдин басма сөз кызматы билдирди.
 
Маалыматка ылайык, уурулукка шектелип качып кеткен 50 жаштагы жаран 8-июнга караган түнү Өскөн-Ордо жаңы конушунда кармалган. Кармоо учурунда шектүү каршылык көрсөткөн. Аны Чүй ОИИБдин Криминалдык милиция кызматынын уюшкан кылмыштуулукка каршы күрөшүү бөлүмүнүн кызматкерлери колго түшүргөн. Ал Бишкектеги Ленин РИИБдин кызматкерлерине өткөрүлүп берилди жана анын качып кетүүсүнө жол берген милиция кызматкерлерине карата тергөө иштери жүрүп жатат.