ӨКМ: "Суугу чөккөндөр көп катталууда. 1 күндө 3 адам сууга чөктү"
- 04.06.2020, 13:27,
- Коом
- 0
Facebook
Вконтакте
Одноклассники
Google+
Өзгөчө кырдаалдар министрлигинин эскертүүсүнө карабай күн ысыгандан тарта сууга чөгүп каза болгондордун саны кескин жогорулады. Алсак, кечээ 3-июнда эле өлкөдө үч адам сууга чөгүп каза тапты. Бул тууралуу 4-июнда Өзгөчө кырдаалдар министрлигинин басма сөз кызматы кабарлады.
Мекеменин маалыматына караганда, Талас облусунун Манас районунда Чеч-Дөбө айылынын “Саратай” көлүнө 18 жаштагы жигит чөгүп кеткен. Окуя 3-июнда түштөн кийин болгон.
Нарын облусунда Жумгал районунун Кара-Кече тилкесинде жайгашкан каналга 15 жаштагы өспүрүм бала чөгүп кетти.
Жалал-Абад облусунун Аксы районунда Бурана тилкесиндеги Кара-Суу суусунда 69 жаштагы эркек кишинин сөөгү табылган. Куткаруучулар сөөктү суудан чыгарып, милицияга өткөрүп беришти.
