Вирус көп катталган аймактардын 603 379 жашоочусу медициналык текшерүүдөн өттү

 Бул туурасында Кыргыз Республикасынын биринчи вице-премьер-министри Кубатбек Боронов кабарлады. 
 
«Учурда бизде 214 мобилдик топ иштеп жатат. Алар 17-майга чейин 603 379 жашоочуну медициналык текшерүүдөн өткөрүштү. Анын ичинен 6 адамдан коронавирус аныкталды. Мобилдик топ вирус көп катталган аймактардагы жашоочуларды текшерүүдөн өткөрүүнү дагы улантат»,-деп билдирди Боронов. 
 
Эске салсак, буга чейин вирус илдетин текшерүү үчүн медицина кызматкерлеринен турган мобилдик топ түзүлүп, алар вирус илдетинин очогу болгон аймактардын жашоочуларын медициналык текшерүүдөн өткөрүү үчүн үйүмө үй кыдырып, анализ алып жатышкан.