Мухаммедкалый Абылгазиев: "Маска кийгиси келбегендер үйдөн чыкпасын"

Беткап тагынбай көчөгө чыккандарга айып пул салынаары тууралуу маалымат тарагандан тарта социалдык тармактарда кызуу талкуу жүрүп жаткан. Элдин нааразычылыгын Дастан Бекешев өкмөт башчыга жеткирип: “Акчасы жок адамдарга коронавирус өзүнчө салык болду. Бет кап жок болсо айып пул дедиңиздер? Ушул туурабы? Оюңуз кандай?” деген суроо узатып, төмөндөгүдөй жооп алды. 

“Масканы тагынуу керек болуп жатпайбы?! Мейли өзүнүн ден соолугу керек болбосо, башкалардыкын ойлосун! Масканы кийгиси келбесе, үйдөн чыкпасын. Ден-соолук керек да баарына”, – деди өкмөт башчы.

Буга катар 1-вице-премьер-министр Боронов оорунун белгилери байкалбай жүрө турган учурлар боло турганын андыктан элди бет кап тагынууга үндөө туура болорун белгиледи.