Ноокаттан дагы эки адам коронавирус илдетине чалдыкканы аныкталды

Бул туурасында Саламаттыкты сактоо министрлигин өкүлү онлайн маалымат жыйынында билдирди. Вирус жуктуруп алгандар ооруканага жаткырылып, алар менен байланышта болгон адамдар карантинге алынды. 

Вирус жуктуруп алгандардын бири аял, бири эркек. Булар да кичи ажылыкка барып келгендер экени айтылды. Учурда алардын абалы канааттандырлаарлык. 

Маалыматка ылайык, Кыргызстанда вирус жуктургандардын жалпы саны 16 адамга жетти. Мындан сырткары Пакистанда да бир кыргыз жаранынын вирус жуктуруп алганы аныкталган.