Дарига Назарбаева уулунан айрылгандан кийин элине кайрылуу жасады

Казакстандын мурдагы президенти Нурсултан Назарбаевдин кызы, Казакстан сенатынын экс-төрайымы Дарига Назарбаева уулу Айсултан Назарбаевден айрылгандан кийин элине кайрылуу жасады. Бул тууралуу жергиликтүү маалымат каражаттары жазып чыкты. 
 
«Биздин үй-бүлө сүйүктүү уулубуз Айсултандан ажырап күйүткө батып, аза күтүп, тереӊ кайгырып турабыз. Ушундай оор учурда коомчулук биздин орду толгус жоготуубузду, абалыбызды туура түшүнүү жана сый менен кабыл алат деп үмүттөнөбүз», — деди Назарбаева.
 
Эске салсак, Айсултан Назарбаев 16-август күнү Лондондо каза болгону айтылган.