Кошумча «Тез жардам» унааларын сатып алууга 145 млн. сом бөлүндү

Аймактарда «Тез жардам» унаалары жетишсиз. Өкмөт мамлекеттин эсебинен «Тез жардам» унааларын сатып алат. Бул тууралуу премьер-министр Кубатбек Боронов кабарлады.  
 
«Аймактарда «Тез жардам» унаалары боюнча маселе абдан курч. Кошумча «Тез жардам» унааларын сатып алууга «Коопсуз шаар» долбоорунун эсебинен 145 млн. сом бөлүндү. Азыр бул иштин үстүндө тиешелүү адистер иш алып барууда. Алдын ала алынган эсеп боюнча бөлүнгөн каражатка 40ка жакын «Тез жардам» унаасын алсак болот экен»-деди өкмөт башчы.