Ысык-Көлдө оору жуктуруп алгандардын саны өсүүдө

Акыркы эки суткада Ысык-Көл облусунда коронавирус илдети менен ооругандардын саны көп катталып, Бишкектен кийин эле экинчи орунга чыкты. Бул көрсөткүч республикалык штабдын берген эки күндүн статистикасында белгилүү болду. 
 
21-июлда Ысык-Көл облусунда оору жуктуруп алгандардын саны 154 адам болсо, 22-июлда облусу боюнча 229 адамдын вирус жуктуруп алганы аныкталды.
 
"Райондо оору жуктуруп алгандардын, ооругандардын саны өсүүдө. Облусу жетекчилиги өз учурунда медициналык жардам көрсөтүүгө болгон аракеттин көрүп жатат. Каракол шаарында 120 орунду стационар даярдалууда»,-деп билдирди өкмөттүн облустагы ыйгарымдуу өкүлүнүн пресс-катчысы Жаныбек Кожоев.