Эми койго 100 сомдон, уй-жылкыга 250 сомдон салык төлөйсүң...

Жогорку Кеңештин депутаты Жеңишбек Токторбаевдин мал-жандыкка салык киргизүү тууралуу мыйзам долбоору коомдук талкууга чыгарылды. 

Мыйзам долбооруна ылайык, 40 кой-эчкиден, 3 уй жана 2 жылкыдан көп мал кармаган малчылар, мал-жандык үчүн салык төлөйт. Алар жылына бир жолу 1 кой-эчки үчүн 100 сом, 1 баш бодо малга (уй, жылкы, топоз) 250 сом төлөй турганы каралган.

Мал-жандык үчүн салык төлөгөндөр, жайыт пайдалангандыгы үчүн акы төлөөдөн бошотулат.

Чогулган салык жергиликтүү бюджетке түшөт.