“Ала-Арча” паркы жабылат

“Ала-Арча” мамлекеттик жаратылыш паркы бүгүн 6-июндан тартып убактылуу жабылып жатканын президенттин Иш башкармалыгы билдирди.

Мекеменин маалыматына караганда, парктын ичиндеги автожол оңдолот. Жолду оңдоп-түзөө иштери 10-июнда аяктайт деп пландалууда.

“Ала-Арча” паркы Чүйдүн Аламүдүн районунда жайгашкан, жалпы аянты 2280 гектар жерди түзөт. Ал жер жайы-кышы адамдар келип эс алуучу ири жайлардын бири.