Баткенде 5 млн сомдон ашык суммадагы контрабандалык жүк кармалды
- 21.06.2021, 15:58,
- Экономика / Коом
- 0
Facebook
Вконтакте
Одноклассники
Google+
“Баткен” бажысынын кызматкерлери тарабынан 5 миллион сомдон ашык суммадагы контрабандалык жүк кармалды. Бул тууралуу аталган мекеменин басма сөз кызматы билдирди.
«Баткен облусунун Кадамжай районунун Миң-Чынар - Апкан унаа жолунда Кыргызстандын жараны айдап бара жаткан DAF үлгүсүндөгү унаа токтотулуп, текшерилди. Жүк ташыган унаадан үй тиричилигине керектүүү товарлар, кийим-кече табылды. Жүктүн болжолдуу жалпы наркы 5 миллион сомдон ашат», - деп билдиришти мекемеден.
Белгиленгендей, айдоочу жүктөрдү ташып келүүнүн мыйзамдуулугун тастыктаган документтерди көрсөтө алган эмес. Унаага мөөр басылып, коопсуз жайга киргизилген. Учурда аткезчилик боюнча тергөө амалдары жүрүүдө.
