Окуучу олимпиадада жеӊишке жетсе, мугалимге кошумча акча берүү каралууда

Билим берүү жана илим министрлигинин жүргүзүп жаткан реформасынын негизинде мугалимдерге стимул берүү максатында окуучуларды республикалык жана эл аралык олимпиадаларга даярдап, окуучу олимпиадада жеӊишке жетсе, мугалимдерге да кошумча акча берүү каралууда.
 
Эгер окуучу эл аралык олимпиадада жеңсе, мугалимге бир жолку акчалай сыйлык берилет. Окуучу 1-орунду алса 500 миӊ сом, 2-орунга 300 миӊ сом, 3-орунга 200 миӊ сом сыйлык берүү каралууда. Ал эми республикалык олимпиадада жеӊишке жеткен окуучулардын мугалимдер бир жыл боюу айлыгына кошулган кошумча акчаны да алып турат.Окуучу 1-орунду алса 10000 сом, 2-орунга 7000 сом, 3-орунга 5000 сом берүү каралууда.