Жасалма диплом даярдагандар аныкталды

Жасалма диплом менен алектенген кармалганын Бишкек милициясы билдирди.
 
Маалыматка ылайык, шаардагы кеңселердин биринде жогорку жана орто билим тууралуу жасалма диплом даярдаган эки адам аныкталганын. 
 
Алардын иштеген жерине тинтүү жүргүзгөндө орто кесиптик билим тууралуу 47 жасалма диплом, 40ка жакын ар кандай мамлекеттик мекеме-органдардын, жеке ишканалардын, нотариустардын мөөрү табылган. Кармалгандар иштеген жердеги компьютердик техникалар милиция кызматкерлери тарабынан текшерүү жүргүзүү үчүн алынган.
 
Бул фактыга байланыштуу кылмыш иши козголду, сот шектүүлөрдүн бөгөт чарасын карап үй камагына чыгарган.