Тилек Матраимов «Ошгаз» ишканасынын жетекчисинин орун басары болуп дайындалганы айтылды

 

Кара-Суу районунун мурдагы акими Тилек Матраимов «Ош газ» ишканасынын директорунун орун басары болуп дайындалды. Бул тууралуу 24.kg агенттигине өздүк булагы билдирди.
 
Алдын ала маалыматтар боюнча, Тилек Матраимовду бул кызматка дайындоо боюнча буйрукка бир нече күн мурун кол коюлган.
 
Эске салсак, Тилек Матраимов 2020-жылдын 7-октябрында кыргыз-өзбек мамлекеттик чек арасынан мыйзамсыз кесип өтүүгө аракет кылган учурда кармалган. Ош шаардык соту аны бир айга – тергөө амалдарынын мөөнөтүнө камакка алуу чечимин чыгарган, бирок кийинчерээк Матраимов үй камагына чыгарылган. Андан кийин сот ага 220 миң сом айып салган.