Депутат: Сөөк коюу үчүн көрүстөндө орундар акысыз болушу керек

Сөөк коюу үчүн көрүстөндө орун акысыз болушу керек. Бул тууралуу Социалдык саясат комитетинде үйлөнүү үлпөт тойлорун, үй-бүлөлүк мааракелерди, маркумду акыркы сапарга узатуу жана эскерүү иш-чараларын тартипке келтирүү боюнча мыйзам долбоору каралып жаткан парламенттик угууда депутат Айбек Маткеримов билдирди.
 
Анын айтымында, азыр сөөк коюу үчүн жер шаардык көрүстөндөрдөн эле эмес, айыл жергесинде дагы сатыла баштады.
 
«Бул чоң бизнеске айланды. Бул мыйзам долбооруна көрүстөндөгү жер сатылбайт деп жазып коелу», - деп сунуштады Айбек Маткеримов.