Бейшеналиев: 12 медициналык окуу жай жабылат, 5 окуу жайда текшерүү жүрүп жатат

Саламаттыкты сактоо министри Алымкадыр Бейшеналиев билдиргендей, жабылат деп жарыяланган 17 медициналык жогорку окуу жайдын 12синин лицензиясын жокко чыгаруу чечими чыккан. Бул тууралуу Саламаттыкты сактоо министри Алымкадыр Бейшеналиев Жогорку Кеӊештин жыйында билдирди. 
 
Депутат Нурлан Шакиевдин «Министр чындап эле 17 университетти жабууну каалап жатабы же окуу жайлардын ээлери пара берсе иш токтойбу?»,- деген суроосуна министр бүгүн 12 билим берүү мекемесинин лицензиясы жокко чыгарылып жатат деп жооп берди.
 
"Калган беш университетте текшерүү жүрүп жатат. 1-апрелге чейин көрөбүз. Мен бир айдын ичинде так маалымат берем", - деди Бейшеналиев.