Салык кызматы Башкы прокурор Курманкул Зулушевдин кирешеси жана мүлкү боюнча маалымат берди.
Маалыматка ылайык, өткөн жылы ал 750 миң 722 сом киреше тапкан. Анын кыймылсыз мүлкү, үйү жок. Бирок унаасы, эмеректери, компьютер, оргтехникалар, 700 миң сомго бодо мал, жылкы жана 1 миллион 650 миң сомго бааланган асыл тукум жылкылары бар.
Курманкул Зулушевдин жакын туугандарынын кирешеси 250 миң сом, чыгашасы 4 миллион 900 миң сом. Мындан тышкары, эки турак жай жана айыл чарба багытындагы жер тилкелери бар.
