Судья Аида Сейдакматова 80 миӊ сом айлык алат

Жогорку Кеңештин 20 -октябрдагы жыйынында Бишкек шаарынын Ленин райондук сотунун судьясы Аида Сейдакматова канча айлык аларын жарыялады.
 
Анын айтымында, эмгек акыны эсептөөдө квалификациялык даражасы жана иш тажрыйбасы эске алынат.
 
«Менин стажым, соттун төрайымы болгонум, жашыруун материалдарды билгеним эске алынып, учурда 80 миң сом алам. Мен сыяктуу стажы бар айрым судьялар 30 миң сом алат. Баарынын эмгек акысы бирдей эмес», - деди ал.
 
Аида Сейдакматова бүгүн, 20 -октябрда Жогорку Соттун судьялыгына шайланды.