Мухаммедкалый Абылгазиев 50 миллион сом төлөп, үй камагына чыкты

 
 Коррупцияга жана мыйзамсыз баюуга шектелип кармалган мурдагы премьер-министр Мухаммедкалый Абылгазиев чет жакка чыкпоо тууралуу тилкаттын негизинде үй камагына чыкты. Мындай чечимди Бишкек шаарынын Биринчи Май райондук соту 20-августта чыгарган. Бул тууралуу УКМКдан билдиришти. 
 
 Маалыматка ылайык, Мухаммедкалый Абылгазиев келтирилген зыяндын бир бөлүгүн, тактап айтканда мамлекетке 50 миллион сом төлөлгөн. Абылгазиевди үй камагына чыгаруу өтүнүчү менен Башкы прокуратура сотко кайрылган. Мекеме мурдагы премьер -министрдин ден соолугу начарлап баратканын жана чыгымды төлөгөнүн жүйө келтирген.