Каракол шаарындагы төрөт үйүндө 18 жаштагы кош бойлуу келин каза болду

 Каракол шаарындагы төрөт үйүндө 18 жаштагы кош бойлуу келин каза болду. Маркумдун жакындары окуя үчүн медицина кызматкерлерин күнөөлөшкөн.
 
Ысык-Көл облусунун Ички иштер башкармалыгынан билдиришкендей, факты КЖБРине катталып, териштирүү иштери башталды. Дарыгерлер жана медайымдар суракка алынууда.
 
Жабырлануучулардын өздөрү азырынча милицияга арыз менен кайрыла элек.
 
Президенттин Ысык-Көл облусундагы өкүлүнүн орун басары Элмира Үсөнова бул окуя боюнча төрөт үйүндө чогулуш өтүп жатканын айтты.
 
Алдын ала маалыматтар боюнча, төрөт учурунда  каза болгон 2003 -жылы туулган келин Караколдогу төрөт үйүнө Түп районунан келген.