Чек арада каза болгон кыргыз жарандары 31ге жетти

Кыргызстандын Баткен облусунун картасы. Базалык көрсөткүч Өзгөчө кырдаалдар министрлигинин сайтынан алынып, кошумчаланды. Белгилер болжолдуу коюлду. Жылдызча белги чыр чыккан "Башкы" ("Головной") суу бөлүштүрүүчү жайы, кызыл чекитчелер жабыр тарткан кыргыз айылдары.

Кыргыз-тажик чек арасындагы 28-29-30-апрелдеги чыр-чатактан улам Баткен облусунун Баткен районунун жана Лейлек районунун ондогон айылы жабыр тартты, үйлөр жана башка объектилер өрттөндү, каза болгондордун жалпы саны 31ге жетти. 100дөн көп адам жараат алды. Жалпы жонунан 20 миңден ашуун киши эвакуацияланды.

Мамлекеттик органдар жана жергиликтүү бийликтер жалпы чыгымдын жана курмандыктардын баштапкы маалыматтарын ачыкка чыгарышты. Сандарды эсептөө дале уланууда. “Азаттык” жоготууларды учкай системалаштырды, бирок маалыматтардын такталышы менен сандар улам өзгөрүп турушу мүмкүн.

"Азаттык"