Кыргызпатент ырларына гонорарын төлөө үчүн экс-президент Алмазбек Атамбаевди издеп жатат.
Аталган мекеме телерадиодо чыгармалары колдонулган авторлорду жана аткаруучуларды издөө жүрүп жатканын маалымдайт. Байланыш маалыматтары жок болгондуктан ырларына гонорар төлөй турган авторлорду байланышууга чакырат.
Жалпысынан тизмеде 1012 адам, алардын арасында экс-президент Алмазбек Атамбаев да бар.
Атамбаев «Кыргызстаным», «Судьбе назло», «Я не могу без тебя жить», «Нелепые слова», «Мне не страшно умирать» сыяктуу бир катар ырларды аткарган.
