Көк бөрү боюнча президенттин кубогу үчүн мелдеш 3-ноябрда Чолпон-Атада өтөт

Кыргызстандын эгемендүүлүк күнүнө арналып жыл сайын өтүүчү улуттук көк бөрү боюнча президенттин кубогу үчүн мелдеш 3-ноябрга белгиленди. Бул тууралуу Улуттук көк бөрү федерациясынын башкы катчысы Кубат Аскарбеков Sputnik агенттигине тастыктады.
Турнир Ысык-Көлдүн Чолпон-Ата шаарындагы ат майданда өтөт.
Буга чейин федерацияда онлайн-жыйын өтүп, анда мелдешти ноябрь айында өткөрүү боюнча сунуш каралган.
 
"Биз мелдешти өткөрүү боюнча Жаштар иши, дене тарбия жана спорт мамлекеттик агенттигинин алдындагы спорттун улуттук түрлөрү боюнча дирекциясына сунуштаганбыз. Мамагенттик, президенттик аппарат жана биздин федерация биргеликте ушул күнгө токтолдук", — деди Кубат Аскарбеков.