Кыргызстанда уйдун эти кайра кымбатоодо

Кыргызстанда уйдун эти кайрадан кымбатоодо. Бул тууралуу кечээ, 17-августта Монополияга каршы жөнгө салуу боюнча мамлекеттик агенттик билдирди.
 
Учурда уй этинин бир килограммынын баасы 490 сомдун тегерегинде болууда. Март айында уй эти 430-450 сомдон сатылып жаткан. Эттин баасынын көтөрүлүшү малды сыртка чыгарууга салынган тыюунун мөөнөтү аяктаганына байланыштуу болууда.
 
Өкмөт 8-июлдан тартып малды сыртка сатууга кайра уруксат берген.