Мурдагы вице-премьер-министр Дүйшөнбек Зилалиев абакка кайтты

Улуттук коопсуздук боюнча мамлекеттик комитет 13-октябрда мурдагы вице-премьер-министр Дүйшөнбек Зилалиев кармалып, тергөө абагына кайтарылганын билдирди.

Атайын кызматтын маалыматында 6-октябрга караган түнү соттун мыйзамсыз чечими менен камактан бошотулган Зилалиев 12-октябрда кайтарылганы айтылат.

УКМК камактан мыйзамсыз чыгып кеткендерди табуу жана кармоо боюнча иштер уланып жатканын кошумчалады.